Fjölbreyttar veitingar fyrir ferminguna

Fermingardagurinn er stór dagur í lífi íslenskra ungmenna. Það er að mörgu að hyggja, velja þarf fermingarfötin, fermingargjöfina, veitingar fyrir veisluna og fleira og fleira. En hver ætli sé uppruni fermingarinnar?

Í umfjöllun um þetta málefni á Vísindavef Háskóla Íslands segir að fermingin sé ein tegund af ungmennavígslu. Slíkar vígslur eru trúlega jafn gamlar mannlegu samfélagi, svo það má segja að með fermingu, hvort sem er hefðbundinni eða borgaralegri, séu börnin okkar að halda í hefðir forfeðrana hundruð kynslóða aftur í tímann.

Í grein sem Brynjar Lúðvíksson og Andri Örn Víðisson skrifa á Vísindavefinn segir að unglingavígslan tengist kynþroskatímabilinu. Með henni sé ungmennið tekið í fullorðinna manna tölu. Við notum það orðalag enn fyrir fermingarbörnin, þó öll séum við sammála um að þau verða börn í nokkur ár í viðbót.

Biskupar blessuðu börnin
Ferming og skírn eru nátengdar trúarathafnir, og voru í raun sama athöfnin í frumkristni. Talað er um aðgreiningu hennar í Postulasögunni, þegar postularnir Pétur og Jóhannes komu til Samaríu. Þar lögðu þeir hendur yfir trúaða svo þeir fengju heilagan anda, en hinir trúuðu höfðu þó áður verið skírðir.

Þetta þróaðist í að biskup blessaði börn og smyrði þau með olíu eða smyrslum, sem táknaði velþóknun heilags anda. Börnin voru þá skírð á fyrstu dögum lífs þeirra, en síðar komið til biskups. Það mátti bíða eitthvað, af praktískum ástæðum, þó ekki lengur en til 12 ára aldurs, eins og segir í grein þeirra Brynjars og Andra. Fermingin var aðgreind frá skírninni sem sérstakt sakramenti á 12. öld.

Fögnum með góðri veislu
Í dag þurfa börn ekki að fá blessun biskups við fermingarathöfnina, heldur sjá prestar um þessar vígsluathafnir, auk þess sem hægt er að fermast borgaralega. Á þessum tímamótum tíðkast að fagna með fermingarbarninu og bjóða vinum og ættingjum til veislu.

Það getur verið hjálplegt að fá fermingarbarnið til að taka þátt í að velja veitingar fyrir veisluna. Ef eitthvað er að marka tal um að verið sé að taka fermingarbörnin í fullorðinna manna tölu er rétt að þau fái að taka einhverja ábyrgð á því að velja hvað þau vilja bjóða gestunum upp á í veislunni.

Sem betur fer getum við hjá Tertugalleríinu gert þeim þetta auðvelt. Við bjóðum fermingarbörnum og forráðamönnum þeirra að skoða úrvalið í vefverslun okkar. Við getum komið með tillögur, og boðið ykkur að skoða saman fermingarbæklinginn okkar til að átta ykkur á möguleikunum. Svo er auðvelt að panta, velja rétta dagsetningu og greiða, allt á sömu síðunni.

Mundu að panta tímanlega
Mundu að panta tertu og annað bakkelsi tímanlega því afgreiðslufrestur á venjulegum dögum eru 2-3 dagar. Ef þú ætlar að panta fyrir helgi þá þarftu að gera það fyrir klukkan 16:00 á fimmtudegi.

Í kringum fermingarnar getur verið mikið álag hjá okkur, og gott fyrir þá sem eru fljótir að ákveða sig að panta sem fyrst. Í fyrra náðum við ekki að anna eftirspurn, svo þá gildir að panta sem fyrst svo hægt sé að taka við pöntuninni.

Kynntu þér opnunartíma Tertugallerísins yfir fermingartímabilið 2016.

Birt í Ferming, fermingar, fermingarterta, fermingarveisla


Næsta

Fyrri