Fagnaðu þjóðhátíðinni með bragðgóðum íslenskum fána

Sannkölluð þjóðhátíðarveisla verður í næstu viku en laugardaginn 16. júní mun íslenska karlalandsliðið leika sinn fyrsta leik á Heimsmeistaramóti landsliða í knattspyrnu. Þetta er í fyrsta skipti sem íslenska karlalandsliðið tekur þátt í mótinu en þeir stóðu sig eins og hetjur í Evrópukeppninni 2016 sem var haldin í Frakklandi.
Samhugur Íslendinga var með eindæmum á meðan Evrópukeppninni stóð og er því við engu öðru að búast á Heimsmeistaramótinu sem hefst í næstu viku. Þjóðhátíðarveislan heldur áfram en á sunnudeginum er 17. júní, Þjóðhátíðardagur Íslendinga og þá er ekki síður miklu að fagna. Helgin 16-17. júní verður vægast sagt þjóðhátíðarhelgi og því er mikilvægt panta veitingar frá Tertugalleríinu tímanlega. Hafa ber í huga að ekki verður opið hjá okkur á sunnudeginum sjálfum, 17. júní.
Í tilefni þjóðhátíðarveislunnar sem er næstu helgi teljum við hjá Tertugalleríinu það nauðsynlegt fyrir landsmenn að þeir geti verið með tertu í takt við viðburðina. Þá er fátt íslenskara en íslenski fáninn og verður því hægt að kaupa tertu og bollakökur með íslenska fánanum. Einnig er hægt að fá súkkulaðitertuna með íslenskafánanum og nammi. Komdu gestunum skemmtilega á óvart með ljúffengri súkkulaðitertu með íslenska fánanum.

Pantaðu tímanlega
Allar tertur frá Tertugalleríinu eru afgreiddar nýbakaðar. Afgreiðslufrestur undir venjulegum kringumstæðum er 2-3 sólarhringar. Hafa ber í huga að afgreiðslufresturinn getur lengst með skömmum fyrirvara og lokast fyrir þá daga í pöntunardagatalinu. Þegar gengið er frá pöntun þarf að velja á hvaða klst. er sótt til okkar í Tertugalleríið í Skeifuna 19.
Til að fá vöru afhenta á laugardegi eða sunnudegi þarf að panta í síðasta lagi fyrir klukkan 16:00 á fimmtudegi, með fyrirvara um að ekki sé búið að loka fyrir pantanir.


Næsta

Fyrri